Иранските медиуми објавија дека неименуван пратеник рекол дека 21 лице е убиено во покраината Лорестан, на западот од земјата во близина на границата со Ирак.
Скај њуз објави дека пратеникот ги обвини „инфилтраторите“ за нападот и не кажа дали станува збор за директна израелска акција.
– Ционистичкиот режим користел инфилтратори и повеќето од акциите што ги гледаме низ целата земја ги спроведуваат овие лица, наместо ционистичкиот режим – рече пратеникот, кој не објасни кого точно мислел под „инфилтратори“.
На социјалните мрежи се шпекулира дека ќелија на Мосад сега е активирана од израелското разузнавање и дека таа ги убила членовите на Иранската револуционерна гарда кои управувале со ракетни лансери.
Британската телевизија нè потсетува дека израелската војска претходно објави дека извршила „обемни“ воздушни напади во западен Иран.