Според извештаите на медиумите, израелски доселеници запалиле голем број палестински продавници и автомобили во градот Деир Шараф во близина на Наблус на окупираниот Западен Брег.
Ал Џезира соопшти дека добива извештаи за напад од десетици израелски доселеници во палестинскиот град Деир Шараф, западно од Наблус на окупираниот Западен Брег.
Нападнати биле и продавници во сопственост на Палестинци, а се соопштува дека е ранет 50-годишен Палестинец.
Снимката од местото на настанот покажува облаци од црн чад што се издигнуваат кон небото од запалените автомобили.
Illegal Israeli settlers, backed by the Israeli army, attacked Palestinians in Deir Sharaf, west of Nablus. Dozens of Palestinians’ homes and shops of were burnt down.pic.twitter.com/7HOyaDyCzk
— Levent Kemal (@leventkemaI) November 2, 2023
Израелскиот Хариц јавува дека десетици луѓе запалиле продавници во населбата Деир Шараф, а на лице место биле уапсени двајца маскирани израелски доселеници.
Од 7 октомври има ескалација на насилството спроведено од израелски доселеници против Палестинците на Западниот Брег, а официјалните израелски сили уапсија десетици Палестинци, обвинувајќи ги за наводно поддржување тероризам.
Израелските сили убија двајца Палестинци во четвртокот на Западниот Брег. Палестинското Министерство за здравство соопшти дека Ајхам ал Шафи (14) и Кусаи Каран (19) биле убиени во четвртокот наутро во Ал Бирех и Калкилија.
Третото лице, 14-годишното момче, Хамдан Хамдан, исто така почина во четвртокот од раните што ги доби од израелските куршуми претходно оваа недела.
Според податоците на палестинското Министерство за здравство, досега на Западниот Брег се убиени 132 Палестинци, а повеќе од 2.000 се ранети. Западниот Брег е окупирана територија каде што постојат илегални израелски населби.