Израелската војска (ИДФ) денес објави дека пресретнала ракета истрелана од Јемен.
Според соопштението на Израелските одбранбени сили, по лансирањето на ракетата се огласиле сирени во неколку области на Израел.
Хутите тврдат дека нивните напади врз Израел и поморскиот сообраќај во Црвеното Море се „израз на солидарност“ со Палестинците во контекст на војната меѓу Хамас и Израел во Газа.
Групата вети дека ќе го прошири својот опсег на цели во Израел како одговор на обновената офанзива во Газа, која започна пред два месеци.
Покрај тоа, Хутите ветија дека ќе продолжат со нападите врз поморскиот сообраќај, и покрај американските воени операции во Јемен, кои се опишани како најголеми откако Трамп ја презеде функцијата.