Војник на Израелските одбранбени сили (ИДФ) е убиен, а друг е сериозно повреден во „пријателски оган“ во јужен Либан, соопшти денес ИДФ.
Војникот кој загина е идентификуван како наредник прва класа Гај Лудар, 21, член на единицата Маглан, објави „Тајмс оф Израел“.
Инцидентот се случил за време на операција во селото Шеба, во јужен Либан.
Единицата Маглан извршила рација во Шеба за да го фати осомничениот за кој се тврди дека ѝ помагал на либанската милитантна група Хезболах.
Според прелиминарната истрага на ИДФ, за време на операцијата, еден војник мислел дека ги идентификувал осомничените кои се обидувале да избегаат и отворил оган.
Во престрелката, Лудар е убиен, а друг војник е сериозно повреден.
Според израелскиот портал, мисијата е завршена, а осомничениот е префрлен во Израел на испрашување.