Израелски воени авиони нападнаа складиште за оружје на милитантната група Хамас во близина на сирискиот град Деир Али, јужно од Дамаск, соопшти денеска израелската војска (ИДФ).
Според соопштението на ИДФ, оружјето лоцирано на локацијата било наменето да се користи во напади врз израелските војници, пишува Тајмс оф Израел.
„Палестинските терористички организации, вклучително и Хамас, ја експлоатираат Сирија за да воспостават терористичка активност предводена од Иран“, соопшти ИДФ.
Израелската војска предупреди дека ќе дејствува против Хамас секаде каде што групата ќе се обиде да воспостави присуство.
