Израелската армија соопшти дека ги обновува своите воздушни напади врз територијата на Газа,откако територијата на Израел утринава беше ракетирана со 18 ракети,лансирани од припадниците на Хамас,веднаш по истекот на тридневното примирје.
Палестинската исламистичка милитантна група Хамас,која ја контролора територијата на појасот,претходно,соопшти дека нема да прифати продоложување на прекинот на огнот,оправдувајќи го тоа со однесувањето на Израел и „одбивањето да ги прифати палестинските барања“.
Хамас како услов за потраен прекин на огнот,бара укинување на неколкугодишната блокада на Газа што ја спроведува израелската армија.
Претставник на израелската војска изјави денеска дека обновата на ракетните напади од Газа кон територијата на Израел,претставува „неприфатливо,нетолерантно и кусогледо“ однесување.
Непријателствата започнаа на 8 јули,кога израелската армија ја почна воената операција во појасот,за да се неутрализира ракетниот потенцијал на Хамас и да се уништат ракетните рампи како и за откривање и уништување на тунелите,преку кои милитантите и терористите од Газа навлегуваат на израелска територија.
Во четиринеделните судирања,загинаа 1870 лица,од кои според податоците на ОН,1350 биле цивили. На израелска страна,има 64 убиени војници,тројца цивили,како и еден Тајланѓанец.Израелските воени власти тврдат дека 900 од палестинските жртви се луѓе со оружје и исламистички милитанти на Хамас.