Израелската армија го предупреди Иран дека ќе продолжи да го прогонува секој што ќе се обиде да го наследи убиениот врховен лидер на земјата, ајатолахот Али Хамнеи.
Во објава на платформата X, на сметката на Израелските одбранбени сили, се вели: „Иранското собрание на експерти, кое не се состанало со децении, наскоро ќе се собере во градот Ком. Сакаме да ви кажеме дека раката на Државата Израел ќе продолжи да го прогонува секој наследник и секое лице што ќе се обиде да назначи наследник.“
„Ги предупредуваме сите оние кои имаат намера да учествуваат на состанокот за избор на наследник дека нема да се двоумиме да ве таргетираме. Ова е предупредување“, се додава во соопштението.