Уште една болница во Техеран е погодена од израелски напади, соопшти денес иранското Министерство за здравство.
Во соопштението се вели дека тоа е третата болница во Иран што е нападната откако започна конфликтот минатиот петок, објави Ал Џезира.
„Шест амбулантни возила и еден сеопфатен центар за здравствени услуги беа исто така брутално нападнати од ционистичкиот непријател“, се вели во соопштението, објавија иранските медиуми.
Се додава дека Израел ја прекршил меѓународната конвенција „повеќе од шест пати“ за седум дена.
