Израелските војници убиле тројца членови на вооружена ќелија на палестинската милитантна група Хамас кои се криеле во болницата Ибн Сина во градот Џенин, на Западниот Брег, соопшти денеска израелската армија.
Се вели дека ќелијата планирала непосредни терористички акции, вклучително и слична на нападот на Хамас на 7 октомври врз израелските населби во близина на Газа, пишува The Times of Israel.
Акцијата е спроведена заеднички од армијата, израелската разузнавачка служба Шин Бет и специјалната полициска единица, се прецизира во соопштението.