Израел предаде тела на уште 30 Палестинци

Од:

Министерството за здравство на Газа денес потврди дека ги примило останките на уште 30 палестински затвореници што ги држи Израел, со што вкупниот број на тела примени од прекинот на огнот се искачи на 195.

Министерството соопшти дека некои од телата покажуваат знаци на „тортура, тепање, врзување со лисици и врзување на очите“, објави Ал Џезира. Наведе дека нивните медицински тимови ќе продолжат да ги прегледуваат телата, во согласност со медицинскиот протокол, за да ја документираат нивната состојба и да им ги предадат на нивните семејства.

Хамас вчера му ги предаде на Израел телата на двајца израелски заложници – Ари Залманович (85) и Тамир Адар (38), двајцата од кибуцот Нир Оз. Нивните тела беа префрлени во Израел преку Црвениот крст и идентификувани во Институтот Абу Кабир.

Израелските власти велат дека вкупно 28 тела на израелски заложници се држеле во Газа и дека досега се вратени 15.

Според договорот за прекин на огнот постигнат со посредство на американскиот претседател Доналд Трамп, Израел треба да предаде тела на 15 Палестинци за секое тело на израелски заложник вратен од Хамас.

Би можело да ве интересира

Усвоен предлог-закон за намалување на платата на пратениците кои нема да го означат Хамас како терористичка организација

Херцог: Израел ја брани Европа од џихадистички бран

„Њујорк тајмс“: Мосад киднапирал ирански генерали и ги мачел за да ја открие судбината на Рон Арад

Ајзенкот го обвини Нетанјаху за поттикнување кампања против арапските граѓани на Израел

Најмалку шестмина загинати во израелски напад врз болница во Газа

Нетанјаху: Влада на национално единство сè уште е можна