Израелската влада одобри мобилизација на 75.000 воени резервисти во рамки на операцијата против оружените палестински групи во Појасот Газа, јави израелската телевизија.
Одлуката е донесена на состанокот на министрите во владата на премиерот Бенјамин Нетанјаху, одржан вечерва во Тел Авив.
Како што јави новинарот на агенцијата Франс прес, денеска цел ден близу границата на Израел со Појасот Газа се собираат блиндирани возила и булдожери, а во последниве 48 часа се поставени и многу тенкови.
Израел вечерва ги блокира сите патишта околу Газа и објави дека истите веќе се наоѓаат во затворена воена зона, што упатува дека се подготвува копнена офанзива.
Четири Палестинци вечрва погинаа во новиот воздушен напад на Израел насочен на појасот Газа, со што бројот на палестинските жртви од ескалацијата на насилствата се зголеми на 28, додека најмалку 270 луѓе се ранети.