Израел денеска ја прекина соработката со УНЕСКО, еден ден откако агенцијата за заштита на културното наследство при ОН усвои предлог-резолуција, за која Израелците сметаат дека ги негира длабоките, историски врски на Евреите со светите области во Ерусалим.
Предлог-резолуцијата на УНЕСКО, која ја предложија арапските држави, ги содржи само исламските имиња за ридовите на кои се наоѓаат и еврејските и муслиманските светилишта, меѓу кои е и Западниот ѕид – остаток од библискиот храм и најсвето место каде што се молат Евреите.
Оценката за предлог-резолуцијата се очекува кон почетокот на следната недела, но е малку веројатно дека содржината ќе биде изменета.