Во новиот израелски напад на појасот Газа, убиени се тројца палестински борци. Вооруженото крило на Хамас, Brigade Ezedin el-Kasam, соопшти дека убиените се негови припадници.
Бројот на жртви на палестинската страна во акциите на израелската војска достигна 11, а ранети се над 100 луѓе.
Портпарол на израелската војска потврди дека имало воздушен напад врз цели на југот на појасот Газа.
Претходно, Ахмед Џабари, лидер на военото крило на Хамас е убиен во израелски воздушен напад. Нападот е спроведен како дел од израелската воена кампања, која беше покрената, според нивните зборови, против “терористички цели” во областа на Појасот Газа.
Израелскиот премиер Бенјамин Нетанјаху, најави дека војската на неговата земја е подготвена да ги прошири своите акции против Хамас. Веднаш потоа владата нареди дополнителна мобилизација.
Палестина побара од ОН да ја спречи воената операција во Газа, а вечерва би требало да заседава Советот за безбедност на ОН.