Израелскиот премиер Бенјамин Нетанјаху изјави дека разговарал со јорданскиот крал Абдула Втори за намалување на тензиите околу најчувтвителното религиозно место во Ерусалим.
Нетанјаху телефонски разговараше со кралот Абдула Втори еден ден откако Јордан го отповика својот амбасадор од Израел.
Аман го отповика амбасадорот откако израелската полиција упадна во спорното место во Стариот град во Ерусалим. Евреите местото го нарекуваат Брдо на храмот, а муслиманите Плоштад на џамиите.
Нетанјаху и Абдула Втори апелираа за итно запирање на сите акти на насилство и поттикнувања.