Израел погоди клучен нуклеарен реактор во својот напад врз Иран. Меѓу нив е и нуклеарниот реактор Натанз, кој е клучен за нуклеарната програма на Иран.
Во раните утрински часови, според информациите од иранската државна телевизија, објавени од Ројтерс, се случила нова експлозија во нуклеарниот објект Натанз, околу 225 километри јужно од Техеран. Тоа е еден од централните објекти за збогатување ураниум во Иран, чија важност за нуклеарната програма на земјата е постојано потврдена и следена од Меѓународната агенција за атомска енергија (МААЕ).
МААЕ потврди дека објектот Натанз бил меѓу целите на Израел во неговата последна воена операција и дека е во контакт со иранските власти за да утврди можни промени во нивоата на зрачење.
Комплексот Натанз, кој се наоѓа во централната покраина Исфахан, е еден од најважните објекти во нуклеарната програма на Иран. Во него се сместени голем број центрифуги за збогатување ураниум, вклучувајќи напредни модели што ги користи Иран за да постигне нивоа на чистота на ураниум до 60% – многу блиску до нивото потребно за производство на нуклеарно оружје. Како резултат на тоа, Натанц со години е под строг надзор на инспекторите на МААЕ, но исто така е постојано цел на израелски напади и саботажи.
Објектот е изграден и надграден под земја за да биде поотпорен на воздушни напади, но експлозиите потврдени утрово од ирански и израелски извори сугерираат дека бил погоден и покрај овие заштитни мерки.