Претставници на палестинската милитантна организација Исламски џихад, изјавија денеска дека Израел предупредил двајца од нејзините лидери да не се обидуваат да влезат во појасот Газа.
Двајцата лидери планирале да ги посетат палестинските територии утре, заедно со уште еден долгогодишен лидер на друга милитантна група Хамас, Халед Машал.
Израел и Хамас, кој го контролира појасот Газа, преговараат со посредство на Египет по примирјето прогласено после израелската офанзива.
Двајцата членови на Исламски џихад, изјавија дека Египет ги пренел предупредувањата дека Израел ќе смета дека примирјето е завршено ако лидерите на екстремистичките организации влезат во Газа.
Членовите на Исламски џихад го рекоа тоа барајќи да останат анонимни, додека израелското Министерство за одбрана не сакаше да ги коментира тврдењата.