Италијанската полиција заплени над четири тони кокаин со улична вредност од една милијарда евра и уапси десетици лица за кои постои сомневање дека се дел од меѓународен синџир за шверц на дрога, соопштија денеска полициски претставници.
Судот во Реџо Калабрија нареди апсење на 34 лица, меѓу кои и неколку високи членови на Калабриската мафија, кои се вклучени во меѓународен синџир за трговија со дрога, се наведува во соопштението.
Полковникот на финансиската полиција Марио Палумбо изјави дека сите лица се уапсени, освен двајца. Во рамки на истрагата, која е предводена од италијанската финансиска полиција, шпанската полиција трага по уште четири лица.