Министерот за надворешни работи на Италија, Луиџи Ди Мајо сака месецов да овозможи патување во земјата без задолжителен карантин за оние кои влегуваат во земјата. Ова е дел од заложбата да се поттикне туризмот во оваа земја кој трпи голема штета за време на пандемијата.
Патувањето во Италија би требало да биде потполно олеснето за оние кои се вакцинирани против Ковид-19.
Ди Мајо вели дека во соработка со министерот за здравство разговараат за можноста да нема веќе карантин за граѓаните од Европска унија и за патниците од Израел кои имаат негативен тест на вирусот, оние кои се вакцинирани и тие кои ја прележале болеста.
Патниците кои доаѓаат во Италија, во моментов мораат да се тестираат непосредно пред патувањето, да поминат петдневен карантин и потоа повтрно да се тестираат.