Француското Обвинителство ја заклучи истрагата за смртта на палестинскиот лидер Јасер Арафат без покренување обвинение, соопшти Обвинителството во Нантер, кај Париз.
На крајот на истрагата не е докажано дека Арафат е убиен со труење со полониум 210.
Арафат почина на 75 години во ноември 2004 година во воената болница во близина на Париз, каде е примен поради болки во стомакот.
Неговата вдовица Суха тврдеше дека тој е отруен, најверојатно со високо радиоактивен полониум, но иследниците заклучија дека нема докази дека кој било е вмешан во обидот да му го одземе животот.