Исчезнатата индонезиска подморница се верува дека е на 600-700 метри длабочина

Од:

Индонезиска воена подморница, што вчера исчезна кај островот Бали, со екипаж од 53 војници, се верува дека се наоѓа на 700 метри под вода, соопшти денеска морнарицата, пренесе ДПА.

Подморницата од германското производство „KRI Nanggala-402“ вчера во раните утрински часови го изгуби контактот со командата на околу 95 километри северно од Бали, за време на воена вежба за напад со торпедо, соопштија официјалните лица.

-Се сомневаме дека е на длабочина од 600-700 метри, изјави портпаролот на морнарицата, адмирал Јулиус Виџојоно.

“Подморницата е дизајнирана да се нурнува до длабочина од 250-500 метри. Надвор од тоа е опасно”, додаде тој.

Виџојоно додаде дека резервоарот за гориво можно е да е оштетен од притисокот на водата.

Четири воени бродови се вклучени во потрагата, додаде адмиралот.

Засега не е позната судбината на 53-та членови на екипажот.

Војската соопшти дека побарала помош од Сингапур и Австралија, кои имаат бродови за спасување.

Министерството за одбрана доцна синоќа соопшти дека со воздушен надзор со хеликоптер е открино истекување нафта на локацијата каде што последен пат била откриена подморницата,додаде ДПА.

Би можело да ве интересира

Единаесет ученици се удавија во извидничка несреќа во Индонезија

Индонезија: Еруптираше вулканот Мерапи

А1он

Индонезија ги заострува мерките поради ширењето на Ковид-19

Ана Ололовска

Стотици здравствени работници во Индонезија се заразиле со „делта“ сој на Ковид-19 по примената вакцина „Синовак“

Мери Јордановска

ВИДЕО: Руска актерка сними порно клип на света планина во Индонезија, сега ја бара полиција

Жарко Настоски

ВИДЕО: Потонатата индонезиска подморница распарчена на три дела, нема преживеани

Ана Ололовска