Иранските безбедносни сили денеска пукаа врз демонстрантите во два курдски града, соопшти иранската група за човекови права Хенгав.
Се додава дека полицијата употребила и солзавец.
Групите за човекови права велат дека повеќе од 150 луѓе се убиени, стотици повредени и илјадници уапсени во акцијата на иранските безбедносни сили по антивладините протести кои избувнаа минатиот месец, по смртта на младата Иранка Маша Амини (22), која беше приведена од страна на полицијата за морал, поради наводно прекршување на правилата за носење хиџаб.