Иран ќе продолжи да ја развива својата нуклеарна програма и покрај неодамнешните напади на САД и Израел врз неговите нуклеарни постројки, изјави портпаролот на иранското Министерство за надворешни работи, Есмаил Бакајери.
„Иран има секое право според Договорот за неширење на нуклеарно оружје да користи нуклеарна енергија за мирни цели и е подготвен да го брани ова право под какви било околности“, изјави Бакајери за Ал Џезира.
Тој додаде дека меѓународната заедница пред сè треба да го осуди она што го нарече „беззаконието на САД“ и да не се фокусира на обемот на штетата.
Коментирајќи го ракетниот напад на Иран врз американската воздухопловна база Ал-Удеид во Катар, Бакајери рече дека Иран го искористил своето легитимно право на самоодбрана, загарантирано со Повелбата на ОН, објави новинската агенција Тасним.
Според него, нападот бил одговор на „американската агресија на 22 јуни и не претставува чин на непријателство кон Катар“.