Иранскиот парламент гласаше за прекин на соработката со Меѓународната агенција за атомска енергија (МААЕ), објави државната телевизија. Иако одлуката сè уште не е официјална политика – потребна е согласност од највисоките власти – таа претставува политичка порака од Техеран по нападите на САД и Израел врз иранските нуклеарни објекти.
Претседателот на парламентот, Мохамед Багер Галибаф, рече дека МААЕ „го расипала својот меѓународен углед со одбивањето да ги осуди израелските и американските напади врз иранските објекти“.
Тој додаде дека иранската нуклеарна власт ќе „ја прекине соработката со МААЕ сè додека не се гарантира безбедноста на нуклеарните објекти“ и рече дека „мирољубивата нуклеарна програма на Иран ќе продолжи со забрзано темпо“.