Ирански балистички ракети денес ја таргетираа приватната резиденција на израелскиот премиер Бенјамин Нетанјаху во Кесарија и електраната во Хадера, објавија израелските медиуми.
„Џерусалем пост“ и „Тајмс оф Израел“ објавија дека ниту една ракета не погодила, што сугерира дека сите биле соборени. Црвениот аларм Цофар издаде предупредување за опасност од балистички ракети кратко по 15 часот.
Конфликтот меѓу Израел и Иран продолжува трет ден откако Израел започна напади врз Иран со цел да ја уништи нивната нуклеарна програма. Иран возврати со напади врз Израел, а десетици луѓе од двете страни беа убиени во нападите.