Џихадистичката групација Исламска држава во Ирак и Левант (ИДИЛ) го спречува доставувањето на пратките со лекови и храна до десетици илјади Сиријци во регионот на источниот град Дејр ал Зур, соопшти Сирискиот центар за набљудување на човековите права, со седиште во Лондон.
Некои делови од градот, кои се наоѓа под контрола на други исламистички бунтовници, кои се борат против борците од ИДИЛ, се под опсада, откако исламистичката групација почна на 30 април масовен напад, врз источните, западните и југозападните региони на градот. Како резултат на борбите борците од ИДИЛ ја презедоа контролата врз главниот влез кон Дејр ал Зур.
Сирискиот центар алармира дека некои делови од градот, во кој живеат 25 илјади жители, се недостапни за возилата, кои доставуваат храна и лекови, како и за возилата на брза помош.
Според информациите на Центарот околу 40 борци загинале во судирите од 30 април, од кои 245 од редовите на ИДИЛ и нивните сојузници.