Ирачкиот шиитски лидер Моктада ал-Садр најави повлекување од политиката

Од:

Влијателниот ирачки шиитски свештеник Моктада ал-Садр денеска соопшти дека се повлекува од политиката и ги затвора своите институции како одговор на нерешливиот политички ќор-сокак.

dobivaj vesti na viber

„Го објавувам моето конечно повлекување“, објави ал-Садр на Твитер.

Тој ги критикуваше шиитските политички лидери што не ги послушаа неговите повици за реформи и не даде повеќе детали за најавата за затворање на неговите канцеларии, но рече дека дел од неговите културни и верски институции ќе останат отворени.

Ал- Садр во јуни ги повлече своите претставници од парламентот откако не успеа да формира влада по свој избор. Политичкиот ќорсокак меѓу него и шиитските ривали блиски до Иран доведе до најдолгиот период на Ирак без влада.

Поддржувачите на ал-Садр од крајот на јули го окупираа парламентот и протестираа во близина на владините згради, со што го стопираа процесот на избор на нов претседател и премиер.

Се стравува дека најавата на ал-Садр ќе ги охрабри неговите поддржувачи на ескалација на протестите, што би можело да започне нова фаза на нестабилност во Ирак.

Извор: МИА

Би можело да ве интересира

Иран распоредува специјални воени сили на границата со Ирак

А1он

Ирак ќе распореди граничари на границата со Иран и со Турција

А1он

Турски министер: Досега гаѓани се 471 мета и неутрализирани се 245 терористи во Ирак и Сирија

А1он

По речиси 13 месеци, во Ирак е формирана влада

Ирачкиот Парламент го избра Абдел Латиф Рашид за претседател на земјата

Во турски воздушен напад во северен Ирак погинале 23 Курди

Ана Ололовска