Откако со недели не се менуваше линијата на фронтот, ирачката војска навлезе во југоисточниот дел на Мосул, кој е под контрола на Исламска држава и зазеде болница.
Војската соопшти дека преземањето на болницата почнало кусо по шест часот изутринава по локално време со воздушни напади на областа Ал Салам.
Командатот на операцијата генерал Абдул Амир Јарелах изјави дека таа болница била база на ИД.
– Тие тука ги лекуваат сите нивни ранети припадници, рече генералот и изрази надеж дека преземањето на болницата ќе ја ослабне ИД.