Специјалните сили на ирачката армија ослободија повеќе од 80 отсто од територијата на провинцијата Салах ад Дин, протерувајќи ги кон север припадниците на Исламска држава во Ирак и Левантот, јави ИТАР ТАСС.
Екстремистите имале големи загуби во жива сила и во оружје.
Армијата го вратила под контрола и реонот на Халес, на 55 километри од Багдад. Од тој дел бунтовниците планирале да презмат акции кон градот.
Во операцијата е заробен припадник на ИДИЛ со документи издадени од Саудиска Арабија.