Официјалната стапка на инфлација во Франција во минатата година била два отсто, поттикната од растот на цените на храната и енергенсите, но сепак под 2,1 отсто колку што беше во 2011 година.
Според Институтот за статистика во Франција новите податоци се во согласност со владините прогнози.
На растот влијаеле најмногу цените на храната кои се повисоки во просек за три отсто, во однос на поскапувањето од 1,9 отсто во 2011 година. Цената на енергенсите бележи понатамошен раст и во 2012 година – тие биле повисоки за 5,2 отсто. Во 2011 година цената на енергенсите имаше раст од 12,3 отсто.