Угината свиња на кој било испишано името на германската канцеларка Ангела Меркел, е пронајдена пред градилиште на џамија во Лајпциг, пренесуваат германските медиуми.
Како што јави дописникот на МИА од Берлина, на телото на свињата со црвена боја биле испишани зборовите „Mutti Merkel“ (Мама Меркел).
Поради огромнаѕа популарност, канцеларката Меркел во текот на нејзиното десетгодишно владеење го доби прекарот „Мама“.
Истрагата за инцидентот ја презела службата за државна безбедност, која се сомнева на политичка позадина на настанот.
Саксонија, каде што се случил инцидентот, е една од најксенофобичните германски покраини, каде се случуваат најголем број од нападите врз мигрантите.
Сличен инцидент во Лајпциг се случи и пред три години кога по протести против изградба на нова џамија со минаре, пред објектот биле фрлени свински глави.