Државниот секретар за азил и миграција на новата белгиска влада, Тео Франкен, најави дека се подготвува нов закон според кој новите имигранти – студенти, работници, или роднини на членови на семејства веќе етаблирани во Белгија – наскоро ќе плаќаат право на престој доколку сакаат да емигрираат во оваа држава, пишува Мета.
Франкен ова го најави во интервју за белгискиот печат и додаде дека точните суми сеуште не се утврдени, но дека сака “набрзо да се спроведе оваа мерка„.
Сепак предвидени се исклучоци кон оваа мерка за политички азиланти, граѓани на ЕУ и нивните семејства како и медицински регуларизации, најави Франкен.
Тео Франкен е член на националистичката фламанска партија (НВА), која дојде на власт на 11-ти октомври во коалиција со либералите и демохристијаните.
Франкен го пратат многу контроверзи во јавноста, пред се за расистички и хомофобични изјави.