Илјадници Чеси и странци во центарот на Прага, на плоштадот Вацлавске намјести, ја прославија Новата 2013 година, јави дописникот на МИА од чешката метропола.
Дел од специјалната програма која започна уште во 14,30 часот за децата, а траеше до полноќ покрај настапите на повеќе музички групи беше и трансвестит шоу.
Според портпаролката на полицијата Ева Копачова, пречекот на Новата година минало без поголеми проблеми иако специјалната станица за „отрезнување“, каде се носат луѓето кои прекумерно користеле алкохол, била преполна уште во 22 часот.
Традиционално спектакуларниот огномет, кој го следат туристите и Чесите од мостовите на реката Влтава ќе биде денеска во 18 часот.