Израелските одбранбени сили (ИДФ) издадоа предупредување за евакуација на зграда во Бејрут пред воздушен напад врз комплекс на Хезболах.
– Вие сте во близина на објекти и интереси поврзани со Хезболах, против кои ИДФ ќе дејствува во блиска иднина, рече портпаролот на ИДФ, полковник Авишаи Адра, покажувајќи мапа од зградата на упориштето на Хезболах во јужните предградија на Бејрут, објави „Тајмс оф Израел“.
Тој рече дека поради лична безбедност, но и на своите семејства, жителите треба да ја евакуираат и соседната зграда и да се преселат најмалку 300 метри подалеку.