Терористичката групација Исламска држава (ИД) презеде одговорност за вчерашниот напад врз контролен пункт на египетските безбедносни сили во провинцијата Северен Синај во североисточен Египет, при кој загинаа осум лица.
– Ненадејниот напад што го спроведоа борците на ИД на контролниот пункт во градот Ариш во Северен Синај, следеше по детонацијата на автомобил бомба поставена од борец на ИД, стои во соопштението објавено на порталот на терористичката групација Амак.
Северен Синај се претвори во дом на повеќе радикални групации, откако египетксата Армија го собори од власт исламистичкиот претседател Мохамед Морси, по масовните протести во земјата против него.
Некои од тие екстремистички групи веќе објавија лојалност кон ИД.