Радикалната исламистичка група Исламска држава ја презеде одговорноста за денешниот напад врз болницата во пакистанскиот град Квета, во кој беа убиени најмалку 66 лица, пренесе ДПА.
Извор близок на групата изјави дека нападот бил извршен од ќелија на ИД во Хорасан, во провинцијата Белуџистан, на границата меѓу Пакистан и Авганистан.
Пред болницата во Квета биле собрани повеќе адвокати за да го земат телото на шефот на провинциската адвокатска комора, кој претходно денеска бил застрелан.