Бројот на имигранти од Бугарија и од Романија во Германија може двојно да се зголеми до 180.000 луѓе во 2014 година, прогнозираат германските аналитичарите на пазарот за труд.
Како причина за зголемувањето на бројот на имигранти се наведува укинувањето на блокада во вработувањето за луѓето од овие две земји на 1 јануари 2014 година. Таа беше воведена на 1 јануари 2007 година при влезот на Бугарија и на Романија во ЕУ, за да се спречи голем наплив на имигранти.
– Во зависност од економската состојба во Јужна Европа вкупниот број на имигранти во Германија може да биде од 100.000 до 180.000 луѓе, се наведува во извештајот на Институтот за истражување на пазарот на труд и професиите (ИАБ).
Во 2012 година вкупно се регистрирани 71.000 имигранти од Романија и од Бугарија.