И Баварија го ограничува движењето во борбата против коронавирусот

Од:

Германската покраина Баварија од вечерва ја ограничува слободата на движење во следните две недели низ целата нејзина територија.

Премиерот на покраината Маркус Седер, денеска објави дека со мерката, која ќе стапи во сила на полноќ, се бара граѓаните да останат во своите домови.

Граѓаните ќе можат да заминат само на работа, да купуваат намирници, лекови, како и да посетаат лекар или да им пружат помош на други.

Покрај тоа, ќе биде дозволено и спортување и движење на отворено, но само индивидуално или со лица од исто домаќинство.

Угостителските објекти во следните две недели ќе можат да понудат само храна за носење.

– Не смееме да се колебаме понатаму. Направивме многу во последните денови, но за жал мора да се направи повеќе, рече Седер.

Бројот на заразени лица во Баварија драматично се зголеми на повеќе од 3.000, со што покраината стана трето жариште во Германија.

Би можело да ве интересира

Светската сила на работ на банкрот, лоши прогнози за животниот стандард во Германија

Порака од Германија: Сакаме да ја видиме Северна Македонија во ЕУ, сега е важно да се продолжи со уставните измени

Во Диселдорф експлодираше киоск, загинаа три лица, 16 се повредени

Горан Наумовски

Во Германија: Маж сексуално злоставувал девојче во двор на училиште

Германските тајни служби ќе можат да ја следат АфД за екстремистички активности

Горан Наумовски

Мистериозна смрт на девојче во Германија