САД се против насилна промена на статус-кво ситуацијата со островите Сенкаку во Источнокинеското Море кои се предмет на спор меѓуЈапонија и Кина.
Тоа го изјави американскиот министер за одбрана Чак Хејгел во говор на форум за безбедност на министри за одбрана од државите од Азиско-тихоокеанскиот регион.
Тој изрази загриженост од зачестените кибер напади, и дел од нив според САД изгледа имаат врска со кинеската Влада и армија. Хејгел увери дека и покрај големите буџетски намалувања, Пентагон ќе продолжи да преместува армиски единици, воени бродови и авиони кон Тихоокеанскиот регион во рамки на стратешкото „ребалансирање“.
Додаде дека САД нема да дозволат Северна Кореја да се здобие со нуклеарна балистичка ракета и се подготвени за усовршување на системот за ПРО во регионот за да се заштитат себеси и сојузниците од „опасните провокации“ на Пјонгјанг.