Американскиот министер за одбрана Чак Хејгел изрази надеж дека Русија ќе го врати Евдард Сноуден во САД, бидејќи тој ги прекршил американските закони и и наштетил на националната безбедност.
– Се надевам дека Русите правилно ќе постапат и ќе го вратат Сноуден во САД, истакна Хејгел на прес-конференција во Пентагон.
Тој претпостави дека Москва не донела конечно решение, откако стана познато дека Сноуден останува во транзитната зона на аеродромот.
Во врска со Кина САД изразија голема разочараност поради одбивањето на Пекинг да го предадат Сноуден, кој одререно време се криеше во Хонгконг.
– Работите можеа да се решат на поинаков начин. Но односите не се градат околу една или две теми, тукутие претставуваат еден цел систем. Има повеќе области во кои соработуваме со Кинезите, но и други, во кои се натпреваруваме, додаде Хејгел.
Во меѓувреме еквадорската Влада соопшти дека не му обезбедила пасош на Сноуден.