Ајатолахот Али Хамнеи денеска им се обрати на граѓаните преку иранските медиуми.
Врховниот лидер на Иран рече дека Израел направил „голема грешка“ и вети дека земјата ќе биде „казнета“.
Хамнеи додаде дека луѓето нема да ја заборават крвта на „мачениците“ и нападот врз нивната земја.
Според новинската агенција Мехр, Хамнеи „го пофалил непоколебливото, храбро и навремено однесување на иранскиот народ“.
Тој, исто така, предупреди дека „секоја воена интервенција на САД несомнено ќе предизвика непоправлива штета“, осудувајќи ги „заканувачките и смешни изјави“ на американскиот претседател Доналд Трамп.
„Соединетите Американски Држави мора да знаат дека Иран нема да се предаде“, рече Хамнеи.
Изјавите доаѓаат откако Трамп побара „безусловно предавање“ од Техеран и објави дека ја разгледува можноста за напад врз Иран.