Хамас ги објави имињата на тројцата израелски заложници што ќе ги ослободи утре во замена за палестинските затвореници, по одложувањето кое покажа колку е кревок договорот за ставање крај на војната во Газа.
Охад Бен Ами (56) и Ели Шараби (52), заложниците кои беа земени од Кибуц Беери за време на прекуграничен напад на Хамас и Ор Леви (34), заложникот кој беше земен од музичкиот фестивал Нова, ќе бидат предадени утре, објави Хамас.
Ослободени се 18 заложници од почетокот на прекинот на огнот на 19 јануари, а Израел за возврат ослободи 383 затвореници.
Хамас соопшти дека утре ќе бидат ослободени уште 183 затвореници, од кои 18 лица кои отслужуваат доживотна казна, 54 лица кои отслужуваат долги казни и 111 лица кои биле приведени во Појасот Газа за време на војната.
Приближно 33 заложници и 1.900 затвореници се очекува да бидат ослободени до крајот на првата фаза од прекинот на огнот за три недели.
Израел соопшти дека осум заложници се мртви.