Хамас денеска изјави дека најавата на францускиот претседател Емануел Макрон дека Франција може да ја признае палестинската држава до јуни е „важен чекор“ откако израелскиот министер за надворешни работи Израел Кац го осуди планот, објави „Тајмс оф Израел“.
Франција планира да ја признае палестинската држава во наредните месеци и тоа би можела да го стори уште на конференцијата на Обединетите нации посветена на решавање на конфликтот меѓу Израел и Палестинците, што ќе се одржи во јуни оваа година во Њујорк, изјави вчера францускиот претседател Емануел Макрон.
„Мораме да тргнеме кон признавање на палестинската држава и тоа ќе го направиме во наредните месеци. На конференцијата на ОН би можеле да го финализираме меѓусебното признавање (на палестинската држава) и неколку други држави. Ќе го сториме тоа“, рече Макрон во интервју за ТВ Франс 5.