Американскиот советник за национална безбедност Џејк Саливан потврди дека администрацијата на Џо Бајден очекува денеска ослободување на американски заложник, но не потврди за кого станува збор. Саливан изјави за CBS News: „Имаме причина да веруваме дека Американците ќе бидат ослободени денеска. Најмалку еден Американец ќе биде ослободен денеска“.
„Не можам да потврдам кој ќе биде тоа или дека тоа дефинитивно ќе се случи, бидејќи додека не видиме Американец надвор од Газа, безбеден и на крајот во прегратките на неговите најблиски, нема да имаме потврда“, додаде тој.