Шефовите на дипломатиите на земјите членки на Групата седум индустриски најразвиени земји денеска за време на телефонски консултации се согласија да ја осудат одлуката на Русија да ги признае двете самопрогласени републики во источна Украина, изјави јапонскиот министер за надворешни работи Јошимаса Хајаши.
Хајаши, пренесоа британските меидуми, кажа дека министрите се согласиле дека признавањето на двете самопрогласени републики е кршење на суверенитетот и територијалниот интегритет на Украина, како и на меѓународното право.
Јапонскиот министер разговараше со новинарите веднаш по разговорите со колегите од Г7.
Рускиот претседател Владимир Путин синоќа ги потпиша указите за признавањето на самопрогласената „Доњецката Народна Република“ (ДНР) и „Луганската Народна Република“ (ЛНР), што наиде на остра осуда од многу западни претставници и закани со санкции против официјална Москва.
Извор: МИА