Гутереш: Признавањето на сепаратистичките територии е повреда на украинскиот суверенитет

Од:

Генералниот секретар на ОН, Антонио Гутереш, вечерва изјави дека одлуката на Русија да ја признае независноста на украинските сепаратистички територии Доњецк и Луганск ја смета за „кршење на територијалниот интегритет и суверенитет на Украина“.

Тоа е „некомпатибилно со принципите на Повелбата на ОН“, додаде генералниот секретар на ОН во својата првична реакција.

„ОН, во согласност со резолуцијата на Генералното собрание, продолжуваат целосно да го поддржуваат суверенитетот, независноста и територијалниот интегритет на Украина во нејзините меѓународно признати граници“, додаде Гутереш.

Генералното собрание на ОН треба в среда да го одржи својот годишен состанок за „привремената окупација“ на Украина по руската анексија на Крим во 2014 година.

Генералниот секретар во својата реакција „ги повика сите засегнати страни да ги фокусираат своите напори на итен прекин на непријателствата“ и на „заштита на цивилите и цивилната инфраструктура“, истакнувајќи дека дипломатијата е клучна за решавање на кризата.

Извор: МИА

Би можело да ве интересира

(ВИДЕО) Силен ураган во Русија, повредени се 11 лица

НАТО сака Украина да биде напредна суверена држава откако ќе се постигне мир

Орбан: Се подготвува мобилизација на Унгарците од Закарпатија

Уништени 49 беспилотни летала кои таргетирале цели во Самара и Мордовија

Захарова: Украинските напади врз руски цивили докажуваат дека мирот не е на радарот на Киев

Руски напад на Криви Рог: Најмалку 18 загинати, меѓу кои и девет деца