По одлуката на големите компании да ги повлечат своите реклами од водечките Интернет платформи, каде се пласирани со непристојни екстремистички содржини, Гугл соопшти дека ќе воведе нови алатки, со кои на тие компании ќе им се даде поголема контрола.
– Знаеме дека компаниите, кои се рекламираат не сакаат да ги видат своите реклами покрај содржини, кои не се во согласност со нивните вредности, изјави директорот за бизнис операции на Гугл, Филип Шиндлер на пост на блог на компанијата.
Тој најави дека Гугл денеска ќе има поригорозен однос кон содржините кои пропагираат омраза, напади и навреди.