Гугл го призна постоењето на палестинска држава, пренесуваат американските медиуми.
Портпаролот на компанијата, Нејтан Тајлор, сооопшти дека таа одлучила во своите производи да го промени името „Палестински земји“ со „Палестина“.
Според него, кога именува некоја земја Гугл се консултира со најразлични извори и власти, а во овој случај го следеше примерот на неколку меѓународни организации.
Ова се случува по одлуката на ОН од минатата година да го зголеми статусот на Палестинците до „држава набљудувач нечленка“, забележуваат американските медиуми.
Портпаролот на израелското Министерство за надворешни работи, Игал Палмор, изјави дека Гугл не е дипломатски субјект, што го покренува прашањето зошто компанијата се меша во едно спорно меѓународно прашање.