Компанијата Гугл доби патент за технологија за автоматско препознавање на предмети од видео содржини, кој може да биде нова револуција во пребарувањето на видео и фото содржини на интернет.
Се работи за технологија која до неверојатни детали препознава различни работи, од споменици и семафори до мачки и знамиња, па дури и точно за која земја се работи. Човековото око и мозок без проблеми ги препознаваат и категоризираат предметите, но за компјутерите таа задача е тешка.
Со помош на обликот на предметите, боите и контекстот, Гугл ќе може да ги категоризира сите предмети што ќе ги види во некое видео. На пример, ако имате снимка од Биг Бен во Лондон, без да внесете податоци, Гугл ќе ги препознае.
Во почеток, во каталогот на Гугл ќе бидат внесени 50.000 предмети кои автоматски ќе се препознаваат, а тој постојано ќе се големува.