Русија денеска објави дека Турција начелно се согласила да биде одговорна за дистрибуција на еден милион метрички тони жито што Русија планира да ги испрати во Африка по намалена цена со финансиска поддршка на Катар.
„Постигнати се главни договори. Очекуваме дека во блиска иднина ќе преминеме на работни контакти со сите страни за да ги разработиме сите технички аспекти на шемата за такви испораки“, изјави за новинарите рускиот заменик-министер за надворешни работи Александар Грушко, пренесе Интерфакс и објави Ројтерс.