Грета Тунберг и неколку други учесници во флотилата сега јавно зборуваат за првпат за нивните пет дена во израелско заробеништво – и како што велат тие, шведското Министерство за надворешни работи ги оставило без помош.
Истрагата на „Афтонбладет“ покажува дека Министерството ја намалило сериозноста на злоупотребата во своите соопштенија.
Greta Thunberg describes severe mistreatment during her five days in Israeli captivity, including physical violence, humiliation, and psychological abuse:
They kicked me every time the flag touched my face.
The guards deliberately placed an Israeli flag next to me and beat me… pic.twitter.com/uAaZkN0RoK
— Clash Report (@clashreport) October 15, 2025
„Не сакам наслови за мене и тортурата“, рекла таа штом се вратила во Шведска, на прес-конференција во Сергелс Торг, заедно со други Швеѓани кои учествувале во големата меѓународна флотила Глобал Сумуд, која се обидела да достави хуманитарна помош во Газа.
Грета Тунберг раскажа какви биле деновите што ги поминала во израелско заробеништво откако учествувала во меѓународната хуманитарна флотила наменета за Газа. Таа нагласува дека ова не е приказна за неа, туку за Палестинците кои „секој ден минуваат низ многу полоши работи“.
„Кога излегов од бродот, полицијата чекаше. Ме зграпчија, ме соборија на земја и го фрлија израелското знаме врз мене“, вели Грета.
„Ме влечеа по бетонот, ме удираа, ме клоцаа. Секој пат кога знамето ќе ми го допреше лицето, викаа „Не го допирај знамето!“ и ме удираа во ребрата“.
Таа додава дека ѝ ја соблекле шапката, стапнале на неа и ѝ се потсмевале. „Викаа „мала ку.ва“ и „ку.ва Грета“ на шведски – ги научија тие зборови за да ме понижат.
„Ова не е приказна за мене, ниту за другите од флотилата. Во моментов, илјадници Палестинци – стотици деца – се држат во затвори без судење, а многу од нив речиси сигурно се мачени“, вели таа.